Cundiziuns generalas d’utilisaziun per bursabio.ch
Bursabio.ch è ina plattafurma d’internet che vegn administrada da Bio Suisse e dal FiBL (suandantamain numnads ils administraturs). Questa plazza da martgà facilitescha il commerzi da meds, products agriculs e servetschs agriculs tranter purs da bio. Lubids èn inserats da purs e dal commerzi cun pavel sitg.
La plattafurma pussibilitescha il contact direct cun ils inserents, ma betg la cumpra online. Il fatg ch’in product vegn offert sin bursabio.ch na dat nagina garanzia ch’i sa tractia era dad in product biologic. Per la verificaziun da quai èn responsabels exclusivamain ils cumpraders. L’utilisaziun da questa plattafurma è gratuita tant per ils inserents sco era per ils visitaders.
Ils administraturs garanteschan da betg utilisar las datas persunalas per auters intents u per las transmetter a terzas persunas. La registraziun da las datas serva unicamain al diever dals servetschs sin bursabio.ch respectivamain sin bioactualitads.bioaktuell.ch.
Ils administraturs na surpiglian nagina responsabladad per ils cuntegns ordaifer l’atgna purschida web, als quals i vegn rendì access cun colliaziuns ipertextualas u cun autras furmas nà da lur pagina web.
Ils inserats, lur cuntegn, lur formulaziun u lur finamira na dastgan betg cuntrafar a las bunas manieras u al dretg svizzer vertent. Il medem vala era per las purschidas d’internet, a las qualas vegn renvià cun colliaziuns ipertextualas. Utilisaders che derasan cuntegns immorals u ch’inciteschan ad odi, violenza, crims u ad autras furmas da violaziun da la lescha vegnan exclus dad in’ulteriura utilisaziun e vegnan tut tenor tgisads. Tut ils utilisaders èn supplitgads dad annunziar immediat als administraturs mintga inserat e mintga colliaziun che cuntrafa al dretg sco er a la creanza u che derasa cuntegns immorals, per che quellas paginas possian vegnir deconnectadas.
Ils administraturs na surpiglian nagina responsabladad per donns che sa resultan a basa dad inserats scursanids, falsifitgads u betg publitgads. Ils administraturs na surpiglian nagina responsabladad per la cumplettezza e/u la correctadad da las offertas e dumondas publitgadas resp. da las infurmaziuns publitgadas e per eventuals dischavantatgs u donns da tut gener che sa resultan dal diever u dal nundiever da talas. Medemamain na surpiglian ils administraturs nagina responsabladad per defects da la software e da la hardware e per donns consequents che sa resultan pervia da programs d’internet utilisads u pervia da datotecas telechargiadas en connex cun la purschida online. Ils administraturs sa resalvan plinavant il dretg da sistir il servetsch senza in preavis u ina motivaziun. Dretgs d’indemnisaziuns da tut gener che vegnan fatgs valair encunter ils administraturs per ils motivs numnads sura èn medemamain exclus.
Tut ils texts e tut las infurmaziuns èn suttamess al dretg d’autur ed èn en possess dals administraturs – uschè lunsch che nagins auters dretgs n'intervegnan. La reformulaziun ed il diever en scadin auter med da massa èn mo lubids cun la permissiun precedenta dals administraturs.
Sch’ina u pliras da las cundiziuns numnadas sura èn u daventan nunvalaivlas u nunexequiblas, na pertutga quai betg la valaivladad da las ulteriuras cundiziuns. Ils partenaris da contract decidan qua tras da remplazzar disposiziuns inefficazias e nunexequiblas entras regulaziuns ch’èn il pli datiers pussaivel a l’intent economic da las disposiziuns oriundas.
La cumpetenza territoriala è a Basilea.
Ils administraturs:
Bio Suisse (Associaziun svizra da las organisaziuns d’agricultura biologica)
Margarethenstrasse 87
CH-4053 Basilea
Telefon +41 61 385 96 10
bio@no-spam.bio-suisse.ch
www.bio-suisse.ch
FiBL - Institut da retschertga per l’agricultura biologica
Ackerstrasse / Postfach
CH-5070 Frick
Telefon +41 62 8657-272
Fax +41 62 8657-273info.suisse@no-spam.fibl.orgwww.fibl.org
